Marketing strategiyalari va strategik tahlil vositalari

Kitob haqida

«Marketing strategiyalari va strategik tahlil vositalari» uslubiy qo‘llanmasi «Marketing», «Strategik menejment» fanlari hamda turdosh o‘quv kurslarini o‘rganuvchi iqtisodiyot va boshqaruv yo‘nalishlari talabalariga mo‘ljallangan. Qo‘llanma zamonaviy raqobat muhitida samarali marketing strategiyalarini ishlab chiqish va amalga oshirish uchun zarur bo‘lgan nazariy bilimlar hamda amaliy ko‘nikmalarni shakllantirishga qaratilgan. Uslubiy qo‘llanmada strategik tahlilning asosiy usul va vositalari, jumladan, SWOT-tahlil, PEST-tahlil, BCG va Ansoff matritsalari, M. Porterning beshta raqobat kuchi modeli, 3C modeli, McKinsey 7S modeli hamda boshqa zamonaviy yondashuvlar o’rin olgan. Bozor holatini baholash va strategik qarorlarni asoslashda tahliliy vositalardan amaliy foydalanishga alohida e’tibor qaratilgan. Qo‘llanma materiallaridan auditoriya mashg‘ulotlarida va talabalarning mustaqil ta’lim jarayonida foydalanish mumkin. Shuningdek, ushbu qo‘llanmadan marketing va strategik boshqaruv sohasidagi mutaxassislar ham foydalansa bo’ladi.